ერთნაირად მიმზიდველია საქართველოს მთასა და ბარში უხვადგაბნეული ბუნების არაორგანული ძეგლები. ისინი შთამბეჭდავნი არიან თავიანთი გრანდიოზულობითა და სილამაზით, მათ ასევე გააჩნიათ გარკვეული ესთეტიკური და სამეცნიერო ღირებულება. ბუნებამ ზოგიერთი მათგანი წლობით აქანდაკა. საოცარ სანახაობას ქმნის კაცხის დიდებული სვეტი, ბოდორნის კლდის კოშკი და ჭერმის კლდეები, საირმის მეწყერი, მდინარის ვიწრო კანიონები და ვებერთელა ლოდები, კლდეებიდან გადმომდინარე ჩანჩქერები და მოქანავე ქვაქანცალიას თერთმეტტონიანი ლოდი და სხვა. მე დღეს ჩემს სტატიაში მოგიყვებით იმ უმალაზეს ადგილებზე რომელიც უხვადაა საქართველოში, მაგრამ ჩვენ მათზე ბევრი არაფერი ვიცით, ამიტომ მინდა უფრო განვაზოგადო ეს თემა… ❤
პრომეთეს მღვიმე:
პრომეთეს მღვიმე გამომუშავებულია ქვედაცარცულ კირქვებში. წარმოადგენს ჰორიზონტალურად დახშულ მღვიმეს. მღვიმეში გვხვდება სტალაქტიტები, კალციტის ნაღვენთები, ნგრევით წარმოქმნილი და ორგანოგენული ნაფენები, მ.შ. გუანოს სქელი ფენა. ჰავა დინამიურია. ჰაერის მოძრაობა მკვეთრად იგრძნობა. მჭიდრო კავშირშია ზედაპირულ ძაბრებთან. გვირაბის ბოლოს არის სიფონი, რომლის სიღრმე 2 მ, ხოლო ტემპერატურა 15°C აღწევს. გვხვდება ვოკლუზური წყაროები, რომლებიც დაკავშირებული არიან მღვიმურ ნაკადთან. სიფონის მახლობლად მდებარე დარბაზში არის ღამურების მრავალრიცხოვანი კოლონია. გუანოში ჭიების სხვადასხვა სახეობებია.მღვიმურ ნაკადს მოსახლეობა იყენებს სასმელად. არსებობს გეგმა, ჭრილები. მღვიმეში გავლა ადვილია. აღმოჩენილია 16 დარბაზი, რომლებიც მკვეთრად განსხვავდებიან ერთმანეთისაგან მასშტაბით და გაქვავებული ჩამონაღვენთების ფორმით. მდიდარია სხვადასხვა სახის წარმონაქმნებით, მათ შორის მოიპოვება: სტალაქტიტები, სტალაგმიტები, ჰელიქტიტები, ფარდები, გაქვავებული ჩანჩქერები, მღვიმური მარგალიტები, პიზოლითები, მიწისქვეშა მდინარეები, მიწისქვეშა ტბები და სხვ. კარგი ტურისტული ობიექტია. მღვიმე კეთილმოწყობილია; არის საფეხმავლო ბილიკები, ხელოვნური განათება, ლაზერ-შოუ, სხვადასხვა ხედები და თერაპია ასთმით დაავადებული ადამიანებისათვის. ყუმისთავის (პრომეთეს) მღვიმის ახალი დარბაზები აღმოაჩინა საქართველოს მეცნიერებათა აკადემიის ვახუშტი ბაგრატიონის სახელობის გეოგრაფიის ინსტიტუტის სპელეოლოგიური ექსპედიციის წევრებმა 1984 წლის 15 ივლისს. ყუმისთავის მღვიმის ტურისტულ ობიექტად გადაქცევას ხელი უბიძგა მიხეილ სააკაშვილმა 2010 წელს, ხოლო 2011 წელს მღვიმე გაიხსნა მნახველებისთვის. ყუმისთავის მღვიმე გამოცხადებულია ბუნების ძეგლად.
სათაფლიის სახელმწიფო ნაკრძალი:
მდებარეობს წყალტუბოს მუნიციპალიტეტის სოფლების გუმბრას, ბანოჯასა და ხომულის ტერიტორიაზე. რელიეფი მთაგორიანია. ტერიტორიის 95% დაფარულია რელიქტური კოლხური ტიპის ტყით, რომელსაც ქმნის წიფელი, წაბლი, რცხილა, თელა, ბზა, ძელქვა, მურყანი, ცაცხვი, მუხა, პანტა, მაჟალო და სხვა. ქვეტყე ქმნის გაუვალ რაყას. ბევრია ლიანებიც. ძუძუმწოვრებიდან აქ გავრცელებულია ტურა, კვერნა, მაჩვი, მელა, კურდღელი, ციყვი. იშვიათად შემოდის შველი, ბევრია ფრინველი. ნაკრძალის ტერიტორია მდიდარია კარსტრული მღვიმეებით. აქვე აღმოჩენილია მტაცებელი და ბალახიჭამია დინოზავრების 200-მდე ნაკვალევი, რომლებიც მერგელოვან კირქვებზეა აღბეჭდილი. ნაკრძალში არის ბიოსპელეოლოგიური მუზეუმი.
ცუცხვათის მღვიმე:
ქუთაისიდან 24 კილომეტრში, ზღვის დონიდან 320 მეტრზე უნიკალური ადგილი ცუცხვათის მღვიმე მდებარეობს. ღვიმე 13 სართულისგან შედგება. პირველი სართული ადამიანისთვის მიუვალია და მდინარე ჭიშურა მიედინება. ეს უნიკალური ნაგებობა ადრეული საუკუნეებიდან არსებობს. მაგალითად მეოთხე სართულიდან დაწყებული ზედა სართულების ჩათვლით, წყალი იკლებს. მეხუთე სართულზე ბრინჯაოს მღვიმეა, მე-11-ზე ცხოველების თავის ქალებია განთავსებული. ამ საოცარ ადგილას შემონახულია ქვითკირის კედლები, ქვევრის ნატეხები. სიძველითა და მრავალსართულიანობით ცუცხვათი ერთ-ერთი პირველი
მღვიმეა მსოფლიოში, მაგრამ სამწუხაროდ ქართველებში დიდი პოპულარობით არ სარგებლობს და სავარაუდოდ მოსახლეობის 70 %-ს არ უნახავს.
შარეულას ხეობის გამოქვაბული:
საქართველოში აღმოჩენილი უნიკალური მღვიმეების შემდეგ რაღა უნდა გაგიკვირდეს ადამიანს, მაგრამ რაჭაში, შარეულას ხეობაში არსებულმა გამოქვაბულებმა ყველა გააოცა. საქმე ისაა, რომ აღნიშნული გამოქვაბულების შესახებ ადგილობრივ მოსახლეობას ზოგადი ინფორმაცია ჰქონდა, მაგრამ მისი უნიკალურობის შესახებ ფართო საზოგადოებისთვის არ იყო ცნობილი. შესაბამისად, მას დამთვალიერებელიც არ ჰყავდა, ვიდრე “ბავშვთა და ახალგაზრდობის განვითარების ფონდის” მხარდაჭერით ორგანიზაცია “განედი 42”-მა აღნიშნულ ხეობაში ექსპედიცია არ მოაწყო. ამავე ფონდის მხარდაჭერის შედეგია ასევე უნიკალური აღმოჩენები ხვამლის მთაზეც. “ბავშვთა და ახალგაზრდობის განვითარების ფონდმა” 2013 წლის განმავლობაში სამი საგრანტო კონკურსი გამოაცხადა და 60 პროექტი დააფინანსა. მათ შორის ერთ-ერთი იყო სწორედ ორგანიზაცია “განედი 42”-ის მიერ შემოტანილი შარეულას ხეობის კვლევის პროექტი, რომელმაც თავიდანვე მიიქცია ჩვენი ყურადღება და არც შევმცდარვართ. ეს ყველაფერი ძალიან მცირე დაფინანსებით შევძელით. ამ ხეობაშია ცარცული ეპოქის კირქვულ ქანებში გამომუშავებული ვიწრო კანიონი, რომლის ფერდობებზეც მრავალი მღვიმეა. მღვიმეებში ულამაზესი, უზარმაზარი წყლის სივრცეებია და უნიკალური მანათობელი მწერები დაფრინავენ. გამოქვაბულებში არსებული სიტუაცია დედამიწის გრავიტაციას არ ემორჩილება. ხეობაში არის ასევე საყინულეს გამოქვაბული, ჩანჩქერები და ისტორიული ძეგლები, მათ შორის ჭელიშის მონასტერი, სადაც ამბროსი ხელაია მოღვაწეობდა. ისტორიული და გეოლოგიური თვალსაზრისითაც ძალიან მნიშვნელოვანი ადგილია. ექსპედიციის ფარგლებში სპეციფიკური მოწყობილობებით -ფრანისა და საველე ვიდეოკამერის საშუალებით მოეწყო საკვლევი რეგიონის აეროდაზვერვა და შეიქმნა ფოტო-ვიდეო ბაზა, რაც ხელს შეუწყობს როგორც ხეობის შესწავლას, ასევე მის პოპულარიზაციას. აქ შეიძლება სერიოზული ტურისტული ინფრასტრუქტურის შექმნა და ტურისტების მოზიდვა.
თამარის კლდე:
ონიდან სოფელი შქმერის გავლით საჩხერის მიმართულებით გადიოდა ისტორიული საქარავნო გზა. ეს მანძილი დაახლოებით 40 კმ-ია. ისტორიულ წყაროებში სოფელი შქმერი მოხსენიებულია 1071 წ. ნიკორწმინდის წინამძღვრის ჩანაწერებში. შედარებით ახალი აშნებულია: მონჭოხის წმინდა გიორგის, ქოლოსის წმინდა გიორგის და უშოლთის ღვთისმშობლის ეკლესიები. თამარ მეფის კლდის უარყოფითად დახრილ კედელზე შემორჩენილია გამოქვაბული-სამალავი. უძველესი წარმართული სალოცავის გოგუჭის მიმდებარედ 2000 წელს აშენდა წმინდა ნინოს სახელობის მცირე ტაძარი. სოფლის მახლობლად არის უშოლთის კარსტული მღვიმე. მოსახლეობა ტრადიციულად მესაქონლეობას და მეკარტოფილეობას მისდევს. რამდენადმეა განვითარებული მეფუტკრეობა. სოფელ შქმერში მდებარეობს ფერმა “შქმერი ინვესტ”, სადაც აწარმოებენ რძის პროდუქტებს. შქმერი საგრძნობლად დააზარალა 1991 წლის 29 აპრილს მომხდარმა რაჭის მიწისძვრამ. სოფელში არის მანგანუმის მადნის საბადო, მაღალი ხარისხის ყვითელი ქვიშის კარიერი, მრავალსაუკუნოვანი ტყე, ხოლო მდინარეებსა და ტბაში ბუდობს კალმახი. უხვადაა წყაროები.